|
|
2008.10.09
亚洲首座甲壳虫乐队雕塑在乌兰巴托揭幕，蒙古总理、外长、英国驻蒙古大使等人出席了揭幕仪式。
“Битлз”. Домог болсон энэ нэрийг сонсохоор эрх чөлөө амтагддаг. Тиймээ эрх чөлөөний дуулал болж, олон арван сая хүнийг эрх чөлөө руу уриалан дуудсан тэдний дуу хоолой өнөөдөр ч шив шинэхэн тэр л хэвээрээ байгаа. Өнөө ч “Битзл”-ийг шүтэн бишрэгчид дэлхийн өнцөг булан бүрт хэдэн арван саяараа амьдарч байна. Тэд бол эрх чөлөөний дууч шувууд байжээ. Олон, олон сая хүмүүст поп хөгжмийн гайхамшгийг мэдрүүлж, олон олон хүний оюун санаанд эрх чөлөөг суулгасан тэднийг өнөөдөр монголчууд дурсан санагалзав. Тэгэхийн учир нь тус хамтлагт зориулсан хөшөө Улаанбаатарын унаган иргэдийн нутаг болох 40 мянгатад сүндэрлэсэн юм. Алдарт “Битлз”-чүүдэд зориулсан хөшөө дэлхийн өнцөг булан бүрт цөөнгүй байдаг ч Азид байгаа ганцхан нь Монголынх гэнэ. Домог болсон тэрхүү хөшөөг Жон Ленноны төрсөн өдрөөр нээлээ. Нээлтэд нь 40 мянгатын залуус цугларч, цагтаа дууг нь дуулж, хөгжмийг нь “хөхөж” өссөн домог болсон “Битлз”-ийн төлөө дуу хуурын “хундага” өргөлөө. Энэхүү хөшөөний нээлтэд Монгол Улсын Ерөнхий сайд С.Баяр, УИХ-ын гишүүн Э.Бат-Үүл, Гадаад хэргийн сайд Сү.Батболд, “Хас” банкны гүйцэтгэх захирал Ч.Ганхуяг, Их Британы Элчин сайд, “Шар айраг” хамтлагийн ахлагч Ц.Ганхүү, ая зохиогч Б.Долгион болон 40 мянгатынхан оролцлоо. Хөшөөг уран барималч Б.Дэнзэн бүтээжээ.
Yesterday, all my troubles seemed so far away
Now it looks as though they're here to stay
Oh, I believe in yesterday.
Suddenly, I'm not half to man I used to be,
There's a shadow hanging over me.
Oh, yesterday came suddenly.
Why she had to go I don't know she wouldn't say.
I said something wrong, now I long for yesterday
Тийм ээ. Домог болсон Битлз-ийн дуунууд тэнд бас эгшиглэсэн юм. Хөшөөний нээлтэд оролцсон Ерөнхий сайд маань “Энд 40 мянгатынхан цугларчээ. Бат-Үүл бид хоёр 40 мянгатын хүүхдүүд. Энэ л газар уулзаж, учирч явсан. Намрын энэ өдөр шүтэж өссөн хамтлагийнхаа хөшөөний нээлтэд хамтдаа оролцоно гэж төсөөлж явсангүй. Энэхүү хөшөөний өмнө 40 мянгатынхан бүгдээрээ цугларчээ” хэмээн өгүүлсэн. Түүний хэлсэнчлэн 40 мянгатынхан зөвхөн “Битлз”-д хүндэтгэл үзүүлэх гэж тэнд цугларсан байлаа. Нээлтийн үеэр УИХ-ын гишүүн Э.Бат-Үүл үг хэлсэн юм. “Битлз” хамтлагийг зарим улс орнууд хувьсгалчид гэж үздэг. Тиймээс тэд хувьсгалчид байсан. Тэдний дууг сонсч өсөхдөө би дарангуйллын нийгэмд амьдарч байгаагаа ойлгосон. Монголд ардчилал тогтоход “Битзл”-ийн оруулсан хувь нэмэр өндөр” хэмээн домог болсон тэрхүү хамтлагийн тухай тэрбээр дурсан ярьсан юм. Битлзийн дуулдаг байсанчлан бидэнд хэрэгтэй зүйл бол “Хайр”. Энэ үгийг Их Британийн элчин сайд хэлсэн юм. Өнөөдөр 40 мянгатынхан нэгэн дор цугларч домог болсон хамтлагийнхаа хөшөөний өмнө мэхийн хүндэтгэлээ.
Ж.ЭРХЭС
[ 本帖最后由 tala88 于 2008-10-10 21:58 编辑 ] |
本帖子中包含更多资源
您需要 登录 才可以下载或查看，没有账号？注册
x
|
发表于 2008-10-10 21:52:24
发表于 2008-10-11 18:09:19
发表于 2008-10-18 11:35:36
发表于 2008-10-18 12:48:29
楼主